Policia e Kosovës ka arrestuar tre persona të dyshuar për vjedhje në shkollën "Ibrahim Rugova" në Obiliq.
Në njoftimin e policisë thuhet sot rreth orës 15:30 është pranuar informata për vjedhje të pajisjeve elektronike, muzikore si dhe gjësende të ndryshme shkollore.
Pas hetimeve preliminare ka rezultuar me identifikimin dhe arrestimin e tre të miturve, të cilët janë proceduar më tej në përputhje me rekomandimet e prokurorit të shtetit.
Ndërkohë policia ka lokalizuar vend-fshehjen e gjërave të vjedhura, të cilat janë kthyer më pas në shkollë.
