Policia e Kosovës ka dhënë detaje për therjen me thikë që ka ndodhur mesditën e sotme në shkollën “Mihail Grameno” në Fushë Kosovë.
Viktima është një nxënës 13-vjeç ndërsa i dyshuar është po ashtu nxënës.
“Rreth orës 12:00 kemi pranuar informatën për lëndimin që ka marrë një fëmijë i moshës 13-vjeç, nxënës i shkollës fillore. Policia ka dalë në vendin e ngjarjes dhe ka trajtuar rastin në koordinim me prokurorin për të mitur”, ka thën, zëdhënësi i Policisë Rajonale, Agron Borovci.
Ai ka thënë se viktima dyshohet të jetë lënduar nga një mjet i mprehtë nga një nxënës tjetër dhe të njëjtit i është ofruar ndihma mjekësore.
Policia e Kosovës është duke u marr me hetimin e këtij rasti.
