Disa orë para nisjes së procesit të votimit, Policia ka arrestuar një qytetar nga Peja, i cili në një faqe interneti kishte nxjerrë në shitje votën e tij.
Në orën 01:00 pas mesnatës është arrestuar i dyshuari pasi që i njëjti në një faqe të shitjeve ka postuar publikim “shes votën’’, thuhet në njoftimin e Policisë.
Të njëjtit kanë njoftuar se personi i arrestuar është liruar në procedurë të rregullt me vendim të prokurorit.
Shitja e votës është vepër penale. Në mëngjes, Prokuroria e Shtetit ka njoftuar se ka angazhuar 88 prokurorë për t’u marrë me secilin rast të raportuar për parregullsi në zgjedhje.
