Një person ka humbur jetën si pasojë e një aksidenti që ishte shkaktuar me datën 3 të këtij muaji në Prizren.
Raportohet se mbrëmë në QKUK si pasojë e lëndimeve të rënda, ka ndërruar jetë viktima femër.
Me vendim të prokurorit trupi i pajetë i viktimës është dërguar në IML për obduksion.
“Rr. Mejdani i Shkodrës, Prizren, -03.03.2021-13:40. Raportohet se me datë 14.03.2021 në QKUK –Prishtinë si pasojë e lëndimeve të rënda, ka ndërruar jetë viktima femër kosovare. Me vendim të prokurorit trupi i pa jetë i viktimës dërgohet ne IML për obduksion”.
Ndryshe gjatë 24 orëve të fundit janë shkaktuar edhe 9 aksidente me të lënduar dhe 22 të tjerë me dëme materiale.
Gjatë kësaj kohe, Policia e Kosovës ka shqiptuar 1 mijë e 253 tiketa trafiku.
