(E plotësuar 19:10) - Autori i krimit troditës në Fier dyshohet se vuan nga probleme mendore.
Banorët në lagjen Sheq i Madh në Fier thanë se 29-vjeçari Demokrat Medinaj që i mori jetën gruas ka probleme mendore.
29-vjeçari Demokrat Medinaj vrau me thikë bashkëshorten e tij, 28 vjeçaren Irvana Medinaj.
Çifti ka dy fëmijë të mitur. Autori pasi qëlloi gruan dhe e la të vdekur në vend arriti që të arratisej pa shkuar policia, ndërsa efektivët janë vendosur në kërkim të tij.
Brenda shtëpisë që është rrethuar nga policia shikohen lëvizjet e familjarëve.
***
Policia ka dalë në një informacion paraprak lidhur mbi ngjarjen e rëndë të ndodhur këtë mesditë në fshatin Sheq të Fierit, ku burri vrau gruan me thikë. Sikundër mësohet autori I këtij krimi është Demokrat Medinaj, ndërkohë që viktima është Irvana Medinaj.
Informacion paraprak
Sot rreth orës 17:20, në lagjen "Sheq i Madh", në banesë, shtetasi D. M., 29 vjeç, ka goditur me mjet të mprehtë( thikë), bashkëshorten e tij, shtetasen I. M., e cila ka ndërruar jetë.
Janë ngritur pika kontrolli në hyrje dalje të qytetit dhe po punohet për kapjen e autorit i cili është larguar nga vendngjarja.
Grupi hetimor po punon për zbardhjen e plotë të rrethanave të ngjarjes.
***
Një ngjarje e rëndë ka ndodhur në fshatin Sheq të Fierit,
Sikundër mësohet, një burrë ka vrarë gruan e tij.
Krimi është kryer me armë zjarri.
Nuk ka ende informacionet lidhur mbi shkaqet që kanë çuar në këtë krim brenda familjes
