Policia e Rajonit të Prishtinës, respektivisht zyrtarët e stacionit policor Qendra, sot rreth orës 18:30, në rrugën “Migjeni” në Prishtinë, kanë ndaluar një veturë të tipit Mercedes me targa të huaja.
Siç njoftohet, pas një kontrolli të detajuar që i është bërë personit dhe veturës, policia ka arritur që të gjej dhe të sekuestrojë një (1) revole të tipit TT , 8 fishekë, një sasi e vogël e substancës narkotike si dhe një peshore.
I dyshuari M.G mashkull 25 vjeç, shtetas i Republikës së Kosovës, është shoqëruar në stacionin policor.
Ndaj tij po kryhen procedurat e nevojshme policore në koordinim me prokurorin e shtetit.
