Dy persona janë plagosur pas të shtënave me armë zjarri që ka ndodhur rreth orës 22:30 në Fushë Kosovë.
Të lënduarit janë dërguar për trajtim në Qendren Klinike dhe Universitare të Kosovës.
Policia e ka identifikuar dhe arrestuar një person të dyshuar.
Kështu bëri të ditur Agron Borovci, zëdhënës i Policisë për rajonin e Prishtinës.
“Rreth orës 22:30 është raportuar për një gjuajtje me armë zjarri në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin. Informatat e para flasin për dy persona të lënduar nga arma e zjarrit”.
“Të njejtit janë dërguar në QKUK për trajtimin e nevojshëm mjekësor. Lidhur me këtë rast një person i dyshuar është identifikuar dhe arrestuar nga ana e policisë dhe aktualisht po vijon puna për hetimin e rrethanave që lidhen me rastin”.
