Një shtetas i huaj është gjetur i vdekur në rrugën “Ukshin Hoti” në Prishtinë.
Këtë lajm për KosovaPress e ka konfirmuar zëdhënësja e Policisë së Kosovës për rajonin e Prishtiëns, Flora Ahmeti.
“Sot rreth orës 18:15 kemi pranuar informatën për një person të shtrirë në rrugën ‘Ukshin Hoti’ në Prishtinë. Menjëherë pas marrjes së informatës policia dhe ekipi i mjekëve emergjent kanë dalë në vendin e ngjarjes. Personi (shtetas i huaj) është dërguar në QKUK, nga ku jemi njoftuar se i njëjti ka ndërruar jetë”, ka thënë ajo.
Ahmeti ka thënë se policia në koordinim me prokurorin e shtetit po punon për ndriçimin e plotë të rrethanave të ngjarjes.
Ndërkohë sipas raportimeve viktima është nga stafi i ambasadës së Malit të Zi në Kosovë.
