Gjatë ditës së sotme është raportuar se një person është goditur nga rryma në lagjen “Ulpiana” në Prishtinë.
Fillimisht është dyshuar se viktima është një fëmijë, por nga Policia e Kosovës kanë bërë të ditur se personi që është goditur nga rryma është 49-vjeçar.
“Rreth orë 09:30 është pranuar informata se në rrugën “Musli Mulliqi” në Prishtinë, një person është goditur nga rryma, pas kontaktit me një kabllo të rrymës. Viktima mashkull, 49 vjeç, është dërguar në QKUK, për trajtimin e nevojshëm mjekësor”, ka thënë për lajmi.net, zëdhënësi i policisë Agron Borovci.
Në vendin e ngjarjes kanë dalë njësitet e policisë dhe janë njoftuar ekipet e KEDS-it.
