Një rrahje ka ndodhur pasditen e së martës në Prishtinë, ku është arrestuar një person i përfshirë.
Ngjarja ka ndodhur në rrugën “Fehmi Lladrovci”, rreth orës 17:30.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Informata është pranuar rreth orës 17:30, për një rrahje, në rrugën “Fehmi Lladrovci” në Prishtinë. Policia ka dalë në vendin e ngjarjes ka ndërmarrë veprimet e nevojshme policore. Lidhur me rastin policia ka arrestuar një person, i cili pas intervistimit me vendim të prokurorit është dërguar në mbajtje për 48 orë”, tha Ahmeti.
Rasti është iniciuar sulm dhe po hetohet nga policia.
