Tre persona janë lënduar pas shpërthimit të bojlerit në një shtëpi në fshatin Polac të Skenderajt.
Të lënduarit janë trajtuar fillimisht në Qendren Kryesore të Mjekësisë Familjare në Skenderaj e më pas janë dërguar për trajtim në Spitalin Rajonal të Mitrovicës.
Kështu bëri të ditur nga Ilmi Prekazi, nga Drejtoria Rajonale e Policisë në Mitrovicë.
“Tre persona janë lënduar pas një shpërthimi të një bojleri në fshatin Polac të Skenderajt. Rasti është raportuar në ora 6:30. Fillimisht janë trajtuar në Qendren e Mjekësisë Familjare dhe më pas janë dërguar në Spitalin Rajonal të Mitrovicës”.
Prekazi tha se do të angazhohet edhe një ekspert i rrymës që të hetohen shkaqet që kanë çuar deri tek shpërthimi.
