Gjatë ditës së djeshme është arrestuar një person i dyshuar në Malishevë.
Kjo pasi që gjatë kontrollit tek i njëjti dhe në veturën e tij i është gjetur dhe sekuestruar një sasi substancë e dyshuar narkotike e llojit marihuanë dhe një mulli për bluarje të narkotikëve.
Policia po ashtu bën të ditur se gjatë kontrollit në shtëpi i janë gjetur: dy pushkë gjuetie (njëra me leje të skaduar) dhe 2.28 gram substancë e dyshuar narkotike e llojit marihuanë.
Me vendim të prokurorit, i dyshuari është dërguar në mbajtje.
