Rasti i parë ka ndodhur mëngjesin e së hënës kur një person kishte deponuar 105 euro me valuta të ndryshme, të cilat janë konfiskuar.
Në raportin 24-orësh të Policisë së Kosovës bëhet e ditur se dy zyrtarë të bankave të ndryshme kanë njoftuar se kanë hasur në para që dyshohet të jenë të falsifikuara.
Po ashtu, një rast tjetër i falsifikimit të parave është lajmëruar në mesditë, kur Policia e Kosovës ka pranuar informata se është deponuar një kartëmonedhë e dyshimtë në vlerë prej 100 euro.
Të dy rastet, me vendim të prokurorit shkojnë në procedurë të rregullt.
