Një motomjet ka përplasur një biçikletë, në aksin rrugor Elbasan-Metalurgji, mëngjesin e sotëm, 8 dhjetor.
"Më datë 08.12.2021, rreth orës 06: 20., në aksin rrugor Elbasan-Metalurgji, motomjeti me drejtues shtetasin T.Sh., 36 vjeç, ka përplasur shtetasin Q. P., 59 vjeç, i cili po lëvizte me biçikletë", njofton policia.
Për pasojë drejtuesi i motomjetit dhe i biçikletës janë dëmtuar dhe ndodhen në spital Elbasan, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes.
