Dy persona janë ndaluar për sulm fizik sot në rrugën “Beteja e Koshares” në Pejë.
Lajmi për KosovaPress është konfirmuar nga Fadil Gashi, zëdhënës i policisë rajonale në Pejë, sipas të cilit rasti ka ndodhur në ora 11:56 dhe aty ishin të përfshirë pesë persona.
“Tre persona i kanë sulmuar dy persona të tjerë, të cilët kanë pësuar lëndime të lehta trupore. Dy prej tre sulmuesve janë ndaluar për 48 orë me urdhër të prokurorit, ndërsa i treti është liruar në procedurë të rregullt”, tha Gashi.
Me këtë rast policia ka konfiskuar edhe një armë pistoletë, dy karikatorë dhe 18 plumba.
