Policia e Kosovës gjatë ditës së djeshme ka sekuestruar disa armë dhe ka arrestuar disa persona për armëmbajtje pa leje.
Rastet e ndara kanë ndodhur në rrugën Ahmet Krasniqi, rrugën Garibaldi dhe rrugën Gollaku.
Policia në këto raste të ndara ka sekuestruar një pistoletë me gaz, 3 pistoleta, 16 fishekë dhe 3 karikatorë.
Ky është njoftimi i policisë:
· Rr. Ahmet Krasniqi, Prishtinë 01.01.2022 – 23:00. Gjatë kontrollit tek i dyshuari mashkull kosovar është gjetur dhe sekuestruar një pistoletë me gaz. I dyshuari pas intervistimit, në konsultim me prokurorin është liruar në procedurë të rregullt.
· Rr. Garibaldi, Prishtinë 01.01.2022 – 22:30. Gjatë kontrollit te i dyshuari mashkull kosovar është gjetur dhe sekuestruar një pistoletë me shtatë copë fishekë. I dyshuari pas intervistimit, në konsultim me prokurorin është liruar në procedurë të rregullt.
· Rr. Ahmet Krasniqi, Prishtinë 02.01.2022 – 15:50 Është arrestuar i dyshuari mashkull kosovar pasi gjatë kontrollit tek i njëjti është gjetur dhe konfiskuar një revole me një karikator me 7 copë fishekë. I dyshuari pas intervistimit, në konsultim me prokurorin është liruar në procedurë të rregullt.
· Rr. Gollaku, Prishtinë 02.01.2022 – 15:40 Është arrestuar i dyshuari mashkull kosovar te i cili njësiti policor gjatë kontrollit tek i njëjti është gjetur dhe konfiskuar një pistoletë me dy karikatorë dhe 2 copë fishekë. I dyshuari pas intervistimit, në konsultim me prokurorin është liruar në procedurë të rregullt.
