Një person është arrestuar gjatë së mërkurës pasi kishte kanosur gruan dhe renë tij.
Këtë për Gazetën e ka konfirmuar zëdhënësi i policisë për rajonin e Gjakovës, Nysret Xhurkaj.
Ai njoftoi se i dyshuari i kishte kanosur viktimat duke ju thënë se do ta blejë një armë zjarri dhe do t’i qëroj hesapet.
“Lidhur me rastin është informuar prokurori kujdestar dhe me urdhër të tij i dyshuari ndalohet për 48 orë në qendrën e ndalimit”, tha Xhurkaj.
Sipas policisë deri te incidenti kishte ardhur për arsye se tani i dyshuari një ditë më parë, pas një mosmarrëveshje ishte sulmuar nga djemtë e tij dhe kishte pësuar lëndime trupore.
Gazeta gjatë së mërkurës ka raportuar edhe për rastin e lartcekur, ku tre djemtë e të dyshuarit e kishin rrahur atë dhe më pas e kishin lidhur me litar.
