Policia ka arrestuar një person i cili gjatë seancës gjyqësore në Gjykatën e Pejës, e ka kërcënuar avokatin e vet.
Rasti ka ndodhur mëngjesin e së mërkurës, në rrugën “Adem Jashari” në Pejë.
Policia në raportin 24 orësh ka bërë të ditur se i dyshuari është dërguar në mbajtje me vendim të prokurorit.
“Rr. Adem Jashari, Pejë 09.02.2022 – 09:30. Është arrestuar i dyshuari mashkull kosovar, pasi që i njëjti gjatë një seance gjyqësore, i pakënaqur me mbrojtjen e avokatit të tij, ka filluar ta ofendon dhe kanos avokatin-viktimën mashkull kosovar. Me vendim të prokurorit, i dyshuari është dërguar në mbajtje”, ka bërë të ditur policia.
