Policia e Kosovës ka bërë të ditur se gjatë 24 orëve të fundit në Prizren janë raportuar dy raste të dhunës në familje.
Rasti i parë ka ndodhur dje rreth orës 13:45, ku ankuesi mashkull ka raportuar se për shkak të pronësisë ka mosmarrëveshje me motrën e tij, të dyshuarën femër.
Në lidhje me rastin është intervistuar edhe e dyshuara dhe në konsultim me prokurorin, lënda e rastit procedohet në procedurë të rregullt.
Rasti tjetër në Prizren ka ndodhur dje në orën 09:30, ku viktima femër kosovare ka raportuar se bashkëshorti i saj në vazhdimësi ushtron dhunë psiqike ndaj saj.
Sipas raportit 24-orësh të policisë, janë intervistuar të dy palët dhe në konsultim me prokurorin e rastit, lënda e rastit trajtohet në procedurë të rregullt.
