Dy fëmijë janë goditur nga një traktor në lëvizje, mëngjesin e sotëm në fshatin Gllarevë të Klinës.
Kjo është bërë e ditur nga zëdhënësi i policisë për rajonin e Pejës, Fadil Gashi.
Gashi deklaroi se dy nxënës janë dërguar me urgjencë në spitalin rajonal të Pejës.
“Rreth orës 07:40 minuta Policia është njoftuar për një aksident në Gllarevë të Klinës. Dy nxënës janë goditur nga traktori, me ç’rast kanë marrë lëndime trupore. Janë dërguar në emergjencën e spitalit rajonal”, tha Gashi.
Ai theksoi se njësitë kompetente të Policisë së Kosovës kanë dalë në vendin e ngjarjes për t’u marrë më afër me rastin.
