Një aksident ka ndodhur pak minuta më parë në aksin rrugor Sukth-Maminas në rrugë dytësore.
Si pasojë e aksidentit ka mbetur i plagosur shoferi i mjetit, shtetasi E. Sh., rreth 25 vjeç, i cili është transportuar drejt spitalit.
“Rreth orës 19:00, në aksin rrugor Sukth-Maminas në rrugë dytësore, shtetasi E. Sh., rreth 25 vjeç, duke drejtuar automjetin ka humbur kontrollin mbi drejtimin e automjetit dhe si pasojë automjeti ka dalë nga rruga. Si pasojë është dëmtuar drejtuesi i automjeti i cili ndodhet nën kujdesin e mjekëve, jashtë rrezikut.” – bën me dije policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
