Një 19-vjeçar është arrestuar sot rreth orës 16:00 në Ferizaj.
Sipas njoftimit të Policisë, 19-vjeçari ishte i kërkuar për veprën penale “Vjedhje” me dënim burgimi prej 1 vit e 5 muaj.
“Policët e stacionit në Ferizaj nga Drejtoria Rajonale e Policisë në Ferizaj, sot rreth orës 16:00 kanë arrestuar në Ferizaj personin e kërkuar me inicialet L.B (M/K), i moshës 19 vjeçar. Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘Vjedhje’ me dënim burgimi prej shtatëmbëdhjetë muajve ( 1 vit e 5 muaj)”, thuhet në njoftim.
Nga PK-ja kanë bërë të ditur se 19-vjeçarin e kanë shoqëruar në stacionin e policisë në Ferizaj dhe i njëjti është dërguar në vuajtje të dënimit.
“Polica të njêjtin e ka shoqëruar në stacionin e policisë në Ferizaj dhe pas kompletimit të dokumentacionit është dërguar në vuajtje të dënimit”, thuhet më tej në njoftim.
