Një fëmijë katërvjeçar është shkelë dje nga një veturë me targa të huaja në Lubovec të Skënderajt, me ç’rast i janë shkaktuar lëndime të rënda trupore dhe po trajtohet në QKUK.
Në raportin 24-orësh të Policisë së Kosovës bëhet e ditur se vetura drejtohej nga një fëmijë.
“Viktimës fillimisht iu është ofruar trajtim mjekësor në spitalin e Mitrovicës e më pas për trajtim të mëtutjeshëm mjekësor është dërguar në QKUK Prishtinë dhe sipas stafit mjekësor gjendja e viktimës është jashtë rrezikut për jetë”, thuhet në raport.
Lidhur me rastin është konsultuar prokurori i shtetit.
