Katër persona të maskuar, tre prej tyre të armatosur me armë të gjata kishin shkuar me veturë te filiali i një banke dhe tentuan të kryenin grabitje në fshatin Preoc të Graqanicës.
Sipas Policisë, rasti ka ndodhur të hënën rreth orës 10:40.
Të dyshuarit me një sëpatë dhe një çakan kishin dëmtuar derën e objektit të bankës dhe më pas janë larguar me veturë në rrugën magjistrale Prishtinë–Ferizaj.
“Në vendin e ngjarjes kanë dalë të gjitha njësitë relevante të policisë të cilat janë duke e hetuar rastin për të cilin rast është njoftuar edhe prokurori”, thuhet në raportin 24-orësh të PK-së.
