Është gjetur një granatë dore në oborrin e një shtëpie në fshatin Mogillë të Kllokotit, raporton Policia e Kosovës.
Sipas Policisë, në vendin e ngjarjes përveç Policisë kanë dalë edhe FSK dhe KFOR-i.
Pa asnjë incident është bërë tërheqja e mjetit të dyshimtë.
“Fsh. Mogillë, KK Kllokot 11.07.2022 – 08:30. Raportohet se në oborrin e shtëpisë së një mashkulli kosovar është gjetur një granatë dore. Përveç njësive policore në vendin e ngjarjes kanë dalë njësitë për deminim të FSK-së dhe KFOR-it dhe kanë tërhequr mjetin e dyshimt pa ndonjë incident”, thuhet në raportin e PK.
