Një aksident trafiku ka ndodhur sonte në mes një veture dhe një motoçiklete në rrugën “Vëllezërit Gërvalla” në Ferizaj.
Zëdhënësi i policisë për rajonin e Ferizajt, Kanun Veseli, ka thënë se nga ky aksident ka mbetur i lënduar motoçiklisti, i cili është dërguar në emergjencë për trajtim mjekësor.
“Sonte rreth orës 22:20 në rrugën “Vëllezërit Gervalla” Ferizaj, ka ndodhur një aksident trafiku me lëndime , ku të përfshirë janë një automjet dhe një motoçikletë, ku motoçiklisti ka pësuar lëndime trupore dhe është duke u trajtuar në Emergjencën e Ferizajt. Njësia e Hetimeve të Aksidenteve është duke e hetuar rastin”, ka thënë Veseli.
