Tre persona janë arrestuar, nën dyshimin se gjatë periudhës qershor-tetor, kanë kryer vjedhje në disa markete në Prishtinë.
“Pas një pune hetimore janë identifikuar dhe arrestuar tre të dyshuar meshkuj kosovarë nën dyshimin se disa herë kanë kryer veprat penale ‘vjedhje’ dhe ‘vjedhje e rëndë’, kryesisht nëpër markete”, thuhet në raportin e policisë.
Lidhur me rastin është konsultuar prokurori i shtetit me vendim të të cilit dy të dyshuar janë dërguar në mbajtje ndërsa i dyshuari i tretë është liruar në procedurë të rregullt.
