Gjykata Themelore e Prizrenit ka caktuar masën e paraburgimit prej 30 ditësh ndaj të dyshuarit Avni Buqaj për ngacmim seksual dhe ofrimi i materialeve pornografike personave nën moshën 16 vjeçare.
Lajmin e ka konfirmuar zëdhënësi i Gjykatës Themelore në Prizren Marcel Lekaj.
Sipas tij gjyqtarja e procedurës paraprake me rastin e caktimit të masës së paraburgimit ka marr parasysh peshën e rëndë të veprave penale për të cilat dyshohet i pandehuri.
Sipas gjyqtares me lënien në liri i njëjti mund të arratiset me qëllim të ikjes nga përgjegjësia penale dhe ekziston rreziku i përsëritjes së veprës penale.
Mediat kanë raportuar sesi një burrë u kap në biseda me vajza të mitura. I dyshuari është 52-vjeçari Avni Buqaj i cili është arrestuar nga Policia për sulm seksual.
Në pamjet e publikuara shihen edhe bisedat e të dyshuarit i cili pa e ditur se është futur në kurth, i flet të miturës fjalë të pista duke i dërguar madje edhe fotografi të tij./Sinjal
