Një person sot ka vdekur si pasojë e një vetaksidenti në rrugën traniztore Smrekonicë-Gojbulë, përkatësisht në afërsi të fshatit Gojbulë të Vushtrrisë.
Në njoftimin e Policisë së Kosovës thuhet se edhe një person tjetër është i lënduar, dhe se ngjarja ka ndodhur rreth orës 22:00.
“Sipas informatave të para, njëri nga personat ka humbur jetën në vendin e ngjarjes ndërsa personi tjetër është transportuar në spitalin e Vushtrrisë, mirëpo si pasojë e lëndimeve të pësuara ka humbur jetën dhe është konfirmuar vdekja e tij nga ana e personelit mjekësor. Mosha e viktimave është mes 19 dhe 17 vjeçare”.
“Njësitet kompetente të policisë kanë dalë në vendin e ngjarjes, ku kanë bërë vendshikmin dhe ekzaminimin e vendit të ngjarjes për shkaqet dhe rrethanat e aksidentit. Me urdhër të prokurorit, trupat e pajetë të viktimave dërgohen për obduksion në Institutin e Mjekësisë Ligjore në Prishtinë”, thuhet në njoftim.
