Dy persona janë arrestuar brenda 24 orëve të fundit për dy raste të ndara të dhunimit të femrave. Njëri rast i arrestimit ka ndodhur në Skenderaj, ku 25 vjeçari dyshohet se ka dhunuar një të moshuar para disa dite ndërsa rasti tjetër ka ndodhur në Kllokot, po ashtu para disa dite e që arrestimi u krye të enjten.
Raporti i sotëm i policisë:
DHUNIM
Skenderaj 04.11.2022 – 15:30. Lidhur me rastin, pas hetimeve të zhvilluara me 10.11.2022 është identifikuar dhe arrestuar i dyshuari mashkull kosovar dhe i njëjti pas intervistimit, me vendim të prokurorit është dërguar në mbajtje.
DHUNIM
Kllokot 21.05.2022 – NN. Pas një pune hetimore në lidhje me një rast nga vepra penale “Detyrim” është arritur deri tek zbulimi i një rasti tjetër të dhunimit me ç’rast me datë 10.11.2022 është arrestuar i dyshuari mashkull kosovar nën dyshimin ka kryer veprën e cekur ndaj viktimës femër kosovare. Me vendim të prokurorit i dyshuari është dërguar në mbajtje.
