Policia e Kosovës ka arrestuar një shtetas gjerman në Lipjan i cili ishte i kërkuar me urdhër-arrest ndërkombëtar të lëshuar për INTERPOL-in nga Gjermania.
Policia e Kosovës ka njoftuar se “i dyshuari është lokalizuar dhe më pas arrestuar në Lipjan sot rreth orës 11:50. Ai dyshohet për përfshirje në veprimtari penale, konkretisht për ‘keqpërdorim të fëmijëve në pornografi”.
Për rastin janë njoftuar organet e drejtësisë dhe me akt-vendim nga prokurorja, i njëjti është dërguar në mbajtje deri në 48 orë.
Policia vazhdimisht bënë thirrje për raportim dhe bashkëpunim me qytetarët.
