Policia e Kosovës ka bërë kërkesë publike për bashkëpunim për identifikimin e vendodhjes së personit të dyshuar për tri vepra penale.
Bëhet fjalë për të 17 vjeçarin Lordi Sulja nga Komuna e Podujevës, i cili dyshohet për vrasje të rëndë, vrasje të rëndë në tentative dhe mbajtje në pronësi, kontroll ose posedim i paautorizuar i armëve.
“I dyshuari Lordi Arsim Sulja nga fshati Gllamnik, me nënshtetësi Holandeze, kërkohet për vrasjen e rëndë që ka ndodhur me 11.09.2023, në Podujevë. Të nderuar, për çdo informatë që mund të çojë në identifikimin e vendodhjes së personit të dyshuar kontaktoni policinë në numrin e telefonit: 192”, ka njoftuar Policia.
Njësiti i hetimeve të përgjitshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, ka shtruar këtë kërkesë.
