Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre dhe anëtarët tjerë të familjes.
Një rast i tillë u raportua edhe dje nga një grua në Mamushë, e cila e ka denoncuar bashkëshortin e saj për dhunë në familje.
Media mëson se viktima ka raportuar se burri i saj në vazhdimësi ka ushtruar dhunë fizike dhe psikike ndaj saj, teksa së fundmi edhe e ka larguar nga shtëpia dhe e ka dërguar te familja e saj.
Si rezultat i raportimit, Policia është aktivizuar për ta arrestuar të dyshuarin, por i njëjti akoma nuk është kapur.
Me urdhër të Prokurorit të Shtetit, është iniciuar rasti në drejtim të veprës penale ‘Dhuna në familje’.
