Një burrë e grua janë përleshur mes vete, ku të njëjtit kanë qenë të dehur, mbrëmjen e së dielës në Gjakovë.
Lidhur me këtë, policia në raportin ditor ka bërë të ditur se gruaja është arrestuar dhe e njëjta ka pranuar tretman mjekësor.
Ndërkohë, i dyshuari ka ikur në drejtim të panjohur.
“Është raportuar se dy të dyshuar një femër kosovare dhe një mashkull kosovar në gjendje të dehur, janë përleshur në mes vete. E dyshuara është arrestuar dhe e njëjta ka pranuar tretman mjekësor, ndërsa i dyshuari ka ikur në drejtim të panjohur. Pas intervistimit me vendim të prokurorit e dyshuara është dërguar në mbajtje”, thuhet në raport.
Policia rastin e ka cilësuar “Dhunë në familje”.
