Një 22-vjeçare ka tentuar mbrëmjen e kësaj të diele të hidhet nga kati i pestë i banesës ku ajo jeton në lagjen “30-Vjetori” në Berat.
Bëhet fjalë për shtetasen Jorida Hatija, e cila pasi kishte mbyllur derën e jashtme me çelës, duke mos lejuar askënd të hynte brenda, ka dalë ballkon dhe ka tentuar të hidhet nga lartësia.
Kanë qenë banorët e zonës të cilët kanë njoftuar Policinël, pasi kanë parë vajzën që kërcënonte se do të hidhej nga ballkoni i pallatit.
Në vendngjarje kanë shkuar efektivë policie dhe punonjës të repartit zjarrfikës.
Por, pasi është vendosur shkalla zgjatuese për tu ngjitur nga ballkoni, e reja ka bërtitur duke mos lejuar asnjë zjarrfikës t’i afrohej.
Në këto kushte, i veshur civil ka qënë Shefi i Rendit në Komisariatin e Policisë Berat, Fatmir Davidhi, ai që është ngjitur me shkallët e zjarrfikëses deri në ballkonin e katit të pestë, ka bindur vajzën të zbresë nga parmaku.
Kjo është tentativa e tretë brenda javës e 22-vjeçares për t’u vetëhedhur, teksa dyshohet se vuan nga probleme të shëndetit mendor.
