Policia e Kosovës ka bërë të ditur se njësiti i hetimeve të Stacioni Policor në Partesh gjatë hetimit të një rasti të dhunës në familje, përmes rrugëve operative ka pranuar informacion se i dyshuari M.J., është në posedim të një arme pa leje përkatëse.
“Me leje të Prokurorit të Shtetit është realizuar kontrolle në shtëpinë dhe objektet përcjellëse të të dyshuarit ku gjatë kontrollit është gjetur dhe konfiskuar në cilësinë e provës materiale për gjykatën një armë zjarri pistoletë M57 me një karikator dhe 88 copë fishekë të kalibrit 7.62mm.
I dyshuari është arrestuar dhe intervistuar në bazë të procedurave ligjore”, theksohet në njoftim.
Sipas njoftimit, me urdhër të Prokurorit të Shtetit i dyshuari është dërguar në mbajtje për 48 orë dhe ndaj tij do të ngritët kallëzim penal për veprat penale ‘’Dhuna në familje’’ dhe ‘’Mbajtje në pronësi, kontroll të pa autorizuar të armeve dhe municionit’’.
