Një person dyshohet se është therur me thikë nga një person tjetër në rrugën “Xhorxh Bush” në Prishtinë.
Zëdhënësja e Policisë për rajonin e Prishtinës, ka thënë se viktima është dërguar për trajtim mjekësor.
“Sot rreth orës 18 :50, kemi marrë informatën për një lëndim trupor të ndodhur në rrugën “Xhorxh Bush” në Prishtinë. Bazuar në të dhënat fillestare, në këtë rast nga një mjet i mprehtë është lënduar një person. I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, ka thënë ajo.
Sipas Ahmetit, “aktualisht në stacion policor po intervistohen dy persona, një dëshmitar dhe një person që dyshohet se është përfshirë në rastin në fjalë”.
