Një aksident komunikacioni ka ndodhur sonte rreth orës 20:00 në rrugën Prishtinë-Gjilan. Zëdhënësja e policisë Flora Ahmeti ka njoftuar për RTKlive se nga ky aksident kanë pësuar lëndime pesë persona.
“Sot rreth orës 20:00 kemi pranuar informatën se në rrugën Prishtinë - Gjilan ka ndodhur një aksident trafiku. Në këtë aksident kanë qenë të përfshira tri automjete.
Si pasojë e aksidentit lëndime trupore kanë pësuar pesë persona”, ka thënë Ahmeti.
Me rastin po merret hetuesia nga njësiti i trafikut rrugor.
