Siguria publike në Kosovë konsiderohet se po cenohet nga krime të natyrave të ndryshme, e sidomos nga vjedhjet e grabitjet, fenomen ky mjaft shqetësues, që po shkakton humbje e pasiguri në biznese, e jo vetëm. Hajna herë të vetëm e herë në grup arrijnë të kryejnë vjedhje, madje edhe të rënda.
Cak i grabitjes ka qenë ditën e djeshme edhe një lokal në Prishtinë, në lagjen Dardania, ku persona janë futur me forcë duke shkaktuar kaos.
Siç mëson media, ngjarja ka ndodhur saktësisht te lokali “Mellow”, te Santea, ku disa persona kanë sulmuar fizikisht personin aty brenda, duke i grabitur edhe telefonin.
Media mëson se personat e dyshuar janë të moshës së mitur, teksa njëri prej tyre tashmë është identifikuar.
Policia ka bërë të ditur se është duke e hetuar rastin.
