I kërkuari me urdhërarrest të lëshuar nga Gjykata Themelore në Prishtinë është kapur nga Policia e Kosovës sot në mëngjes, në qytetin e Fushë Kosovës. Personi që u prangos ishte shpallur fajtor dhe dënuar me burgim për drogë.
Burimet kanë bërë me dije ekskluzivisht se bëhet fjalë për Enes Sllovinë, 28-vjeçar.
Sllovia ishte dënuar me rreth 2 vjet burgim nga Gjykata, pasi akuzohej se ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.
Pas arrestimit dhe përfundimit të procedurave, i dënuari është dërguar në njërën nga qendrat korrektuese për ta vuajtur dënimin.
Lajmin e ka konfirmuar edhe Polici Rajonale në Prishtinë.
