Njësitet e Antidrogës në Prishtinë dhe Gjilan në bashkëpunim, kanë zhvilluar dy aksione ditën e sotme në Prishtinë dhe Novobërdë, me ç’rast ka rezultuar në arrestimin e tre personave të dyshuar mbi posedimin e lëndëve narkotike dhe disa parave të gatshme.
Të dyshuarve i është gjetur rreth 1558 gram heroinë, 3 gram kokainë si dhe para të gatshme 3175 euro.
Media mëson se tre të dyshuarit që u kapën nga Policia janë Jeton Avdiji, Hajrush Isufi dhe Blerd Aliji.
Tre të arrestuarit me vendim të prokurorit janë dërguar në mbajtje.
Me rastin po merret policia.
Shënim: Personat e postrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
