“Bëhet fjalë për një mosmarrëveshje”, policia jep detaje për therjen fatale në Prishtinë
Policia ka dhënë detaje në lidhje me therjen fatale në Prishtinë, dhe sipas informacioneve fillestare, bëhet fjalë për një mosmarrëveshje mes palëve të përfshira.
Zëdhënësi i policisë, Daut Hoxha tha se dyshohet se njëri e ka goditur personin tjetër me një mjet të mprehtë, ndërkaq ekipi mjekësor ka konstatuar vdekjen e tij.
“Me datë 27.10.2024 në ora 20:30, Policia në Prishtinë, ka pranuar informatën lidhur me një mosmarrëveshje në Rr.Tirana në Prishtinë. Sipas informacioneve fillestare që kemi bëhet fjalë për një mosmarrvëshje mes dy personave, ku dyshohet se njëri ka goditur personin tjetër me një mjet të mprehtë. Ekipa shëndetësore ka konstatuar se viktima nuk ka shenja jete”.
“Policia është duke u marrë me rastin dhe hetimet janë duke u zhvilluar nga njësitet kompetente për të sqaruar motivin apo rrethanat tjera që kanë çuar deri te ky rast i rëndë”, thuhet tutje në konfirmim.
I dyshuari për vrasjen e vëllait në Prishtinë kapet nga Policia, po ruhet në QKUK
Një ngjarje të rëndë ndodhi para rreth një ore në kryeqytet, ku një person u ther për vdekje me thikë nga vëllai i tij.
Motivet e rastit akoma nuk dihen, por që tashmë Policia ka ndërmarrë veprimet e nevojshme.
Media publikoi emrin e të dyshuarit, G.M, i cili tashmë ndodhet në QKUK, ku po ruhet nga Policia.
G. po dyshohet se ia mori jetën vëllait të tij, A. – duke e therur disa herë me thikë, në afërsi të kompleksit banesor ku ata jetonin.
E dhimbshme për familjen: Ky është i riu që u ther për vdekje nga vëllai i tij në Prishtinë
Një ngjarje tragjike ndodhi sot jo fort larg qendrës në Prishtinë, ku u shënua një incident i rëndë që përfundoi me fatalitet.
Për motive akoma të panjohura, një person dyshohet se u ther për vdekje me thikë.
Siç merr vesh media, viktima dhe i dyshuari kanë lidhje familjare, më saktësisht vëllezër.
Kjo ngjarje ka tronditur familjen Miftari, pasi morën lajmin e hidhur për vdekjen e djalit, A. M.
A. Miftari mbeti i vdekur si pasojë e therjes me thikë nga vëllai i tij, pasi nuk arriti t’i mbijetojë plagëve.
Vdekjen e tij tashmë e ka konfirmuar ekipi mjekësor i Emergjencës, ndërsa Policia ka ndërmarrë veprimet e nevojshme.
-----
Një ngjarje tragjike ndodhi sot jo fort larg qendrës në Prishtinë, ku u shënua një incident i rëndë që përfundoi me fatalitet.
Për motive akoma të panjohura, një person dyshohet se u ther për vdekje me thikë.
Sipas informacioneve të para që ka siguruar media thuhet se viktima nuk ka arritur t’i mbijetojë plagëve të marra dhe ka ndërruar jetë.
Ngjarja dyshohet se ka ndodhur shumë afër qendrës në kryeqytet dhe dyshohet se vëllai e ka therur vëllain e tij disa herë me thikë.
