Konfliktet në familjet kosovare, shpeshherë përfundojnë me kanosje serioze e përleshje fizike, duke u dashur kështu intervenimi i Policisë. Përveç rasteve të dhunës mes çifteve, jo rrallëherë përfshihen në raste të tilla edhe anëtarët e tjerë të familjes.
Kështu ka ndodhur së fundmi në një familje në Gjakovë, ku janë përfshirë dy motra, njëra 48 e tjetra 29 vjeç.
Burimet e sinjalit brenda Prokurorisë kanë bërë me dije se rasti ka ndodhur në shtëpinë e tyre, pas një mosmarrëveshje mes dy motrave lidhur me të drejtën për të qëndruar në shtëpinë e prindërve.
Sipas informacioneve të para, për të mos eskaluar situata, nëna e tyre ka ndërhyrë, por ka pësuar lëndime si pasojë e agresivitetit të vajzave.
Pas denoncimit të rastit, Policia ka dalë në vendin e ngjarjes, ku janë arrestuar dy të dyshuarat dhe janë shoqëruar në stacion policor.
I njëjti është intervistuar nga hetuesit policorë dhe pas përfundimit të procedurave, me urdhër të prokurorit është dërguar në mbajtje për kryerjen e veprës penale ‘Dhuna në familje’.
