Policia e Kosovës ka njoftuar se janë arrestuar dy të dyshuar meshkuj kosovarë për posedim të substancave narkotike të llojit heroinë.
“Janë arrestuar dy të dyshuar meshkuj kosovarë pasi që gjatë kontrollit tek të njëjtit është gjetur dhe konfiskuar substancë e dyshuar narkotike e llojit heroinë. Pas intervistimit, me vendim të prokurorit njëri prej të dyshuarve dërgohet në mbajtje”, thuhet në njoftim.
Po ashtu, Policia ka bërë të ditur se gjatë dhënies së tretmanit mjekësor në trupin e të dyshuarit mashkull kosovar, është hasur substancë e dyshuar narkotike me peshë 13.58 gram e cila është konfiskuar.
“Personi i lartcekur nuk është intervistuar për shkak te gjendjes së tij shëndetësore. Rasti në procedurë hetimore.”, thuhen në raportin e Policisë.
