Një person është arrestuar nën dyshimin se ka kryer vjedhje të enjten rreth orës 19:00 në rrugën “Dëshmorët e Kombit”, në Ferizaj.
Sipas një njoftimi të Policisë së Kosovës bëhet e ditur se gjatë arrestimit të të dyshuarit me inicialet E.D i moshës 58 vjeçare, dy persona të tjerë E.N 31 vjeçar dhe U.E 42 vjeçar u arrestuan pasi kishin penguar zyrtarët policorë derisa kanë arrestuar 58 vjeçarin.
“Të enjten rreth orës 19:00 kemi pranuar informatën se në rrugën ’Dëshmorët e Kombit’ në Ferizaj, në dy raste të ndara, në dy lokale ishin kryer vjedhje.
Menjëherë në vendin e ngjarjes kanë dalë ekipe të policisë, policët e rendit dhe hetuesit e stacionit të Ferizajt, të cilët pas një pune intensive në terren, në bazë të shikimit të kamerave të sigurisë kanë identifikuar të dyshuarin E.D ( M/K) i moshës 58 vjeçar, të cilin në një bodrum të një banese në rrugën ’12 Qershori’ në Ferizaj e kanë arrestuar, ndërsa janë arrestuar edhe dy persona tjerë: E.N ( M/K) i moshës 31 vjeçar dhe U.E ( M/K) i moshës 42 vjeçar, të cilët kanë penguar zyrtarët policor, derisa kanë arrestuar të dyshuarin E.D”, thuhet në njoftim.
Po ashtu siç bëhet e ditur në njoftim, tre të dyshuarit janë shoqëruar në stacionin e policisë në Ferizaj dhe pas intervistimit të tyre nga hetuesit policor, me vendim të prokurorit të shtetit, personat: E.D dhe E.N janë ndaluar në mbajtje për 48 orë, ndërsa U.E është liruar për procedurë të rregullt hetimore.
