Policia e Kosovës të premten njoftoi për një vetëaksident të zyrtarëve policor në fshatin Varagë të Zveçanit.
Në raportin policor bëhet e ditur se aksidenti ka ndodhur në ora 07:30.
“Drejtuesi i automjetit duke drejtuar automjetin e PK-së, dyshohet se ka humbur kontrollin mbi automjet dhe ka shkaktuar vetë-aksident trafiku”, thuhet në raport.
Si pasojë lëndime trupore kanë pësuar pesë zyrtarë policorë të cilët kanë pranuar tretman mjekësor.
Sipas policisë rasti është në hetime.
Ndryshe, para një jave ka ndodhur po një vetëaksident i Policisë në Grabovc të Zveçanit, ku ishin lënduar tetë policisë të Njësisë Speciale Operative.
