Policia e Kosovës ka raportuar për tri tentim-vrasje në 24 orët e fundit në Kosovës.
Tentim-vrasjet kanë ndodhur në Gjakovë, Pejë e Gjilan.
Gjakovë 20.12.2024-09:28. Vrasje në tentativë dhe armëmbajtje pa leje
Pas një mosmarrëveshje në mes dy familjeve, i dyshuari mashkull kosovar ka qëlluar me armë zjarri viktimën mashkull kosovar duke i shkaktuar lëndime trupore. Viktima është dërguar në Spitalin Rajonal Gjakovë për tretman mjekësor.
Në vendin e ngjarjes janë gjetur dy gëzhoja ndërsa gjatë kontrollit në shtëpinë e të dyshuarit janë gjetur dhe konfiskuar: dy pistoleta me 12 copë fishekë, ndërsa me vendim të prokurorit i dyshuari pas intervistimit është dërguar në mbajtje.
Rr. Adem Jashari, Pejë 20.12.2024, 13:00. Vrasje e mbetur në tentativë
Ankuesi mashkull kosovar, ka raportuar se ishte sulmuar fizikisht me mjet të mprehtë (thikë) nga tre të dyshuar meshkuj kosovarë dhe më pas të njëjtit janë larguar në drejtim të panjohur. Viktima është dërguar për tretman mjekësor dhe më pas është liruar në shtëpi, ndërsa dy nga të dyshuarit janë arrestuar dhe pas intervistimit me vendim të prokurorit janë dërguar në mbajtje, kurse i dyshuari i tretë ndodhet në arrati.
Gjilan 20.12.2024, 22:40. Tentim vrasje
Është raportuar se është sulmuar fizikisht nga disa persona të dyshuar viktima mashkull kosovar. Në vendin e ngjarjes është gjetur dhe sekuestruar një armë pistoletë me gjashtë fishekë e cila nuk është përdorur, si dhe një shkop i drurit i thyer me të cilën dyshohet se është goditur viktima.
Viktima është dërguar për tretman mjekësor në emergjencë Gjilan dhe më pas është dërguar në QKUK Prishtinë. Rasti nën hetime.
