Në Vushtrri dhe në Graçanicë janë djegur një veturë dhe një hangar me ushqim të bagëtive, të mërkurën.
Në raportin 24-orësh të policisë thuhet se një grua ka raportuar se në rrethana të panjohura nga zjarri është përfshirë vetura e saj e parkuar në oborr.
Zjarrfikësit kanë shuar zjarrin, dhe rasti është duke u hetuar nga njësitet policore.
Ndërsa, në Graçanicë, një burrë ka raportuar se në rrethana të panjohura në zjarr është përfshirë një hangar me ushqime të bagëtive.
Sipas policisë, edhe aty zjarrfikësit kanë lokalizuar zjarrin dhe rasti është duke u hetuar.
