Pompat e derivateve jo rrallëherë janë cak i hajnave dhe raste të tilla po krijojnë pasiguri dhe frikë si për qytetarët ashtu edhe për punëtorët që punojnë në këto biznese. Kështu dyshohet se ndodhi mbrëmë pas mesnate në Hajvali, por këtë herë të dyshuarit nuk arritën të kapin asgjë.
Sinjali ka mësuar se rasti ndodhi te pompa e derivateve ‘Alba Petrol’, ku dy persona ia mësynë të kapin para të gatshme, por hasën në rezistencën e një punëtori.
Bazuar në informacionet e para, të dyshuarit ishin të maskuar dhe nën kërcënimin e armës kanë kërkuar që viktima t’ua hapë derën.
Por, punëtori u përball me ta dhe njoftoi Policinë menjëherë dhe si rezultat, të dyshuarin ikën në këmbë.
Me t’u denoncuar rasti, Policia ka dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit.
Me urdhër të Prokurorit të Shtetit, rasti është cilësuar ‘Grabitje ’, teksa veprimet tjera ligjore do merren posa të kapen të dyshuarit.
