Nuk janë të rralla rastet kur punëtorët e KEDS-it kërcënohen e pengohen gjatë kryerjes së punës, qoftë për shkak të punimeve, ose shkyçjeve nga rrjeti elektrik.
Një rast i tillë ka ndodhur edhe dje në Zveçan.
Burimet e medias kanë bërë të ditur se një qytetar ka kërcënuar punëtorin e KEDS-it, derisa ky i fundit ka qenë duke i vendosur disa njehsorë të rrymës.
Përballë kësaj situate, viktimat e kanë denoncuar rastin dhe kanë kërkuar ndihmë nga Policia.
Këta të fundit janë vënë menjëherë në veprim dhe kanë arrestuar dhe shoqëruar në stacion të dyshuarin, i cili është intervistuar nga hetuesit policorë.
Ndaj tij, me urdhër të Prokurorit të Shtetit kanë nisur hetimet për veprën penale “kanosje”.
